• ᓱᓕᔫᑦᓱᓂ ᑕᑯᓐᓇᕋᑦᓴᓕᐊᖑᓯᒪᔪᖅ ᓄᐃᑕᒋᐊᖕᖓᓛᕐᖁᖅ ᕖᔅᐳᒃᑯᑦ (YouTube), ᐆᒃᑑᐱᕆ 25-ᒥ 7:30-ᖕᖑᒥ ᐅᓐᓄᑯᑦ.
- Days
- Hours
- Minutes
- Seconds
ᐊᕐᕌᒍᓂ ᐱᖓᓱᓂ ᑕᕐᕋᓕᔮᒐᑦᓴᓕᐊᖑᓯᒪᔪᑦ, ᓄᓇᑦᑕ ᐊᑖᓂ ᕿᒥᕐᕈᔭᖃᕐᓂᖅ ᐱᕙᓪᓕᐊᓯᒪᓂᖏᓐᓂᒃ, ᐃᓕᒃᑯᑦ ᐱᓇᓱᑦᑕᐅᒍᑎᖏᓐᓂᒃ, ᒪᓐᓇᓗ ᓵᖕᖓᔭᑦᓴᐅᔪᑦ ᐅᔭᕋᓐᓂᐊᓂᕐᒥᒃ ᐱᓇᓱᒐᖃᕐᓂᒥ ᓄᓇᕕᒻᒥ. ᐅᑎᕐᑕᑐᑦ ᐃᓄᑐᐃᓐᓀᑦ ᓂᐱᖏᑦ, ᑕᕐᕋᓕᔮᒉᑦ/ᐊᐅᓚᔫᑦ ᓄᐃᑕᑎᑦᓯᕗᑦ ᐃᓱᒪᒋᔭᐅᔪᓂᒃ ᐃᓕᖓᑦᓱᑎᒃ ᑮᓇᐅᔭᑎᒍᑦ ᒪᑭᑕᒐᓱᒍᑎᓄᑦ, ᓄᓇᐅᑉ ᐊᕙᑖᓄᑦ ᐃᓗᕐᖁᓯᐅᓪᓗ ᓱᕐᕋᑕᐅᓂᖓᓄᑦ ᓱᑲᑦᑐᒥᒃ ᐊᖏᓕᕙᓪᓕᐊᓱᓂ ᐱᓇᓱᒐᖃᕐᕕᐅᔪᒧᑦ.
ᓄᓇᖁᑕᐅᔫᑉ ᐅᔭᕋᓐᓂᐊᕋᑦᓴᑕᖃᕐᓂᖓ ᐃᑉᐱᒋᔭᐅᓕᕐᓯᒪᕗᖅ ᑲᕙᒪᓄᓪᓗ ᓯᓚᕐᔪᐊᒥᓗ ᐱᓇᓱᒐᖃᕐᕕᓄᑦ. ᒫᓐᓇᓕ, ᐱᐅᓯᕆᓪᓗᐊᓚᐅᕐᓯᒪᖕᖏᑕᒥᒍ, ᐃᓄᐃᑦ ᑐᑭᓯᒪᒍᒪᒻᒪᕆᓕᕐᐳᑦ ᑕᒪᑐᒥᖓ ᐊᓯᑦᔨᕙᓪᓕᐊᓱᓂ ᐱᓇᓱᒐᖁᑎᐅᔪᒥ. ᐊᐱᕐᓱᖃᑦᑕᓂᒃᑯᑦ ᐱᓇᓱᑦᑎᓂᒃ, ᐱᓇᓱᒐᖃᕐᕖᑦ ᓯᕗᓕᕐᑎᖏᓐᓂᒃ, ᓂᕈᐊᕐᑕᐅᓯᒪᔪᓂᒃ ᐊᒻᒪᓗ ᐱᔪᓐᓇᐅᑎᓕᓐᓂᒃ, ᓄᓇᑦᑕ ᐊᑖᓂ ᐊᔪᕆᔭᖃᕋᑎᒃ ᐱᕙᓪᓕᐊᓯᒪᓂᖏᓐᓂᒃ ᑕᒪᑐᒥᖓ ᐱᓇᓱᒐᕐᒥᒃ ᑯᐯᒃ ᑕᕐᕋᖓᓂ ᐅᓂᒃᑲᐅᔨᔪᖅ, ᑐᑭᓯᔭᐅᑎᑦᓯᓯᐊᕐᓱᓂ ᐱᓪᓗᑯᒋᐊᓕᒻᒥᒃ ᐃᖏᕐᕋᑦᑎᑕᐅᓂᖃᕐᓂᕆᓱᖓᓂᒃ ᐊᑕᐅᑦᓯᑯᓪᓗ ᐅᓂᒃᑲᐅᔨᒍᑎᖃᕐᒥᓱᓂ ᓱᕐᕃᓂᖏᓐᓂᒃ ᑕᒐᑕᒐ ᐱᕙᓪᓕᐊᑎᑕᐅᓂᓖᑦ.
ᕿᒥᕐᕈᓂᖃᕐᓱᓂ ᓄᓴᖁᑕᐅᔫᑉ ᐅᔭᕋᓐᓂᐊᑕᖁᐅᓂᖏᑕ ᐱᕙᓪᓕᐊᓯᒪᓂᖏᓐᓂᒃ ᑕᑯᔭᕐᑐᖃᑦᑕᓱᓂᓗ ᐊᒥᓱᐃᓂᒃ ᐱᓇᓱᑦᑕᐅᔪᓂᒃ, ᐱᒋᐊᖕᖓᕕᒋᑦᓱᒋᑦ ᓯᕗᓪᓕᐹᓂᑦ ᐅᔭᕋᓐᓂᐊᕋᑦᓴᓯᐅᕐᓯᒪᔪᓂᑦ ᑎᑭᑦᓱᒋᑦ ᐅᔭᕋᓐᓂᐊᓂᕐᒥᒃ ᐃᖏᕐᕋᑎᑦᓯᓂᖃᕐᓃᑦ, ᑕᕐᕋᓕᔮᑦ/ᐊᐅᓚᔫᑦ ᐅᖄᔭᖃᕐᐳᖅ ᐱᓪᓚᕆᐅᑎᖑᐊᓂᒃ ᓲᕐᓗ ᓂᖏᕐᑕᐅᑎᓂᒃ. ᓄᓇᐅᑉ ᐊᕙᑎᖓᓂᒃ ᐃᓱᒪᓗᒍᑎᓂᒃ ᓄᓇᕕᒻᒥᐅᓂᓪᓗ ᓴᕐᕿᔭᖃᑎᖃᕐᓂᓂᒃ. ᑖᒃᑯᐊ ᑕᑯᓐᓇᕋᑦᓴᔭᑎᒍᑦ ᐅᓂᒃᑲᑐᐊᑦ ᑕᑯᓐᓇᕋᑦᓴᓯᐊᖑᕗᑦ ᑭᓇᑐᐃᓐᓇᑯᓐᓄ ᑐᑭᓯᒪᑦᓯᐊᓂᕐᓴᐅᒍᒪᔪᓄᑦ ᐃᑉᐱᒋᔭᐅᖕᖏᓗᐊᓲᒥᒃ ᐱᓇᓱᒐᖃᕐᕕᒥ ᑐᑭᓯᒪᑦᓯᐊᓕᖁᓪᓗᒋᑦ ᖃᓄᖅ ᑕᐅᑐᑦᑕᐅᒍᓯᖃᕐᒪᖔᑕ ᓵᖕᖓᔭᑦᓴᐅᓱᑎᒃ ᓴᕐᕿᑎᑕᐅᒪᕙᓕᕐᑐᑦ.
ᓄᓇᕕᒻᒥ ᐅᔭᕋᓐᓂᐊᕋᑦᓴᓂᒃ ᕿᓂᕐᑏᑦ ᑮᓇᐅᔭᖃᕐᑎᑕᐅᕕᖓᑕ ᑎᓕᔭᐅᒪᒍᑎᓪᓚᕆᖓ, ᑕᑯᓐᓇᕋᑦᓴᓕᐅᕐᑐ, ᖃᐅᔨᑎᑦᓯᒍᑎᓕᐊᖑᕗᑦ ᐅᔭᕋᓐᓂᐊᕋᑦᓴᓂᒃ ᕿᓂᕐᑏᑦ ᐃᓄᑐᐃᓐᓀᑦ ᓄᓇᓕᖏᑕ ᐊᑯᕐᖓᓂ ᐊᕐᖁᑎᖃᓱᖑᕗᑦ ᑲᑎᒪᓂᐊᕈᓯᕐᓂᓗ ᓄᓇᑐᐃᓐᓇᒥᓗ ᐱᒋᐅᕐᓴᔭᐅᑎᑦᓯᓂᕐᓂᒃ. ᐃᓕᓐᓂᐊᑎᑦᓯᒍᑎᖃᓲᑦ ᓄᓇᓕᐅᑉ ᐱᓇᓱᒐᖃᕐᕕᑎᒍᑦ ᐱᓇᓱᑦᑕᖏᓐᓂᒃ ᐃᑲᔪᕐᓯᒪᑦᓱᑎᒃᓗ ᐱᓇᓱᒐᖃᕐᕕᓂᒃ ᐱᓇᓱᖃᑎᖃᕐᓂᖏᒍᑦ ᐃᓄᑐᐃᓐᓀᑦ ᓄᓇᓕᖏᓐᓂᒃ ᑕᒪᒃᑮᓱᑎᒃ ᐃᓗᕐᖁᓯᕐᒥᓗ ᐱᓪᓗᑯᒋᐊᓕᓕᕆᐅᑎᓂᓪᓗ, ᓲᕐᓗ ᑲᓱᕐᑎᓱᒋᑦ. ᐃᓄᓐᓂᒃ ᐊᒥᓲᓂᕐᓴᓂᒃ ᑐᓴᐅᒪᑎᑦᓯᒍᒪᑦᓱᑎᒃ ᐱᑕᖃᕐᑎᓯᕕᖃᕐᓗᑎᒃᓗ ᐱᓇᓱᒐᖃᕐᕕᒥ ᐱᓇᓱᑦᑕᐅᕙᑦᑐᓅᓕᖓᔪᓂᒃ, ᓄᓇᕕᒻᒥ ᐅᔭᕋᓐᓂᐊᕋᑦᓴᓂᒃ ᕿᓂᕐᑏᑦ ᑮᓇᐅᔭᖃᕐᑎᑕᐅᕕᖓᑦ ᑐᑭᑖᓚᐅᔪᕗᖅ ᓄᐃᑦᓯᒍᒪᓪᓗᓂ ᑕᑯᓐᓇᕋᑦᓴᔭᓂᒃ.
ᐋᙯᓪᓛ, ᐅᔭᕋᓐᓂᐊᓂᕐᒥᒃ ᐱᓇᓱᒐᖃᕐᓂᖅ ᑲᔪᓯᔪᒥᒃ ᐊᒥᓱᓄᑦ ᑐᑭᓯᒪᔭᐅᖕᖏᓚᖅ, ᑕᒪᖏᓐᓂ ᓄᓇᕕᒻᒥᓗ ᑲᓇᑕᓕᒫᒥᒐᓴᒃ, ᑲᓄᐃᓕᖓᓪᓗᑯᕐᓂᓕᒻᒥᓗ ᐱᕙᓪᓕᐊᓯᒪᓂᖓ ᐃᓚᖃᓱᖑᑦᓱᓂ ᒪᓗᒋᔭᐅᓂᕐᓗᓂᕐᒥᒃ. ᑕᒪᓐᓇ ᐱᓪᓗᒍ, ᐱᓇᓱᖃᑎᒋᑦᓱᒋᑦ ᑕᑯᓐᓇᕋᑦᓴᓕᐅᕐᑏᑦ Ubique Film-ᑯᑦ, ᑐᑭᑕᓚᐅᔪᕗᒍᑦ ᑕᑯᓐᓇᕋᑦᓴᑎᒍᑦ ᐅᓂᒃᑲᑐᐊᓕᐅᕋᔭᕐᓂᒥᒃ ᐃᓱᐊᕐᓂᐸᐅᒐᔭᕐᒪᑦ ᑐᑭᓯᑎᑦᓯᒍᑎᒋᓗᒋᑦ ᐊᑕᖏᑦᓯᐊᑐᓂᒃ ᑐᑭᓯᒪᓇᑦᓯᐊᑐᓂᒃᓗ ᐅᔭᕋᓐᓂᐊᓂᕐᒨᓕᖓᔪᓂᒃ ᓄᓇᕕᒻᒥ.
ᑕᕐᓚᓕᔮᑦ/ᐊᐅᓚᔫᑦ ᓄᐃᑕᑎᑦᓯᓗᐊᖕᖑᐊᖁᑦ ᐱᖓᓱᓂᒃ ᓱᓂᕐᓂᒃ: ᐃᓕᓐᓂᐊᓂᖅ, ᓂᐱᖃᕐᑎᓯᓂᕐᓗ ᓄᓇᓕᒻᒥᒃ. ᐅᖄᒍᑎᖃᕐᓱᓂ ᐊᑐᑎᓯᒪᔪᓂᒃ, ᐅᓪᓗᒥᐅᔪᒥᒃ, ᓯᕗᓂᑦᓴᖓᓂᓪᓗ ᐅᔭᕋᓐᓂᐊᓂᕐᓂᒃ ᐱᓇᓱᒐᖃᕐᕕᐅᔪᑦ ᐅᖃᔭᐅᑎᓪᓗᒋᑦ ᐃᓗᕐᖁᓯᖅ, ᐃᓅᑦᔪᓯᓅᓕᖓᔪᑦ, ᒪᑭᑕᒐᓱᒍᑎᓅᓕᖓᔪᖅ ᓄᓇᐅᓪᓗ ᐊᕙᑎᖓᓅᓕᖓᔪᑦ ᑕᐅᑐᑦᑕᐅᒍᓯᖏᓐᓂᒃ. ᑕᑯᓐᓇᕋᑦᓴᔭᓕᐊᖑᓯᒪᔪᑦ ᐅᖃᐅᓯᖃᓪᓚᕆᑦᑐᑦ ᐃᓕᓐᓂᐊᑎᑦᓯᓂᕐᓂᒃ , ᖃᓄᐃᓕᑦᑕᓂᖏᓐᓂᓗ ᐅᔭᕋᓐᓂᐊᓂᕐᒥᒃ ᐱᓇᓱᒐᖁᑕᐅᔪᑦ ᐊᒻᒪᓗ ᓱᕐᕃᓂᕆᓲᖏᑦ, ᓈᒻᒪᑐᒨᓕᖓᔪᑦ ᓈᒻᒪᖏᓐᓂᓴᒧᓪᓗ, ᐃᓄᑐᐃᓐᓀᑦ ᐃᓅᓯᖏᓐᓄᑦ ᐃᓕᖓᓂᒃᑯᑦ.
ᐃᓄᑐᖃᕐᓂᒃ ᐊᐱᕐᓱᓂᓐᓂᖅ, ᓲᕐᓗ ᔮᓂ ᒣᒥᓪᓗ ᓵᓕ ᒍᐊᕐᒥᓗ ᐅᑎᕐᕕᖃᓚᐅᔪᕗᒍᑦ ᐅᔭᕋᓐᓂᐊᕋᑦᓴᓯᐅᕐᓂᐅᒋᐊᖕᖓᖃᑦᑕᓯᒪᔪᓄᑦ ᑎᑭᐅᑎᑦᓱᒋᑦ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖏᓐᓄᑦ ᐊᒻᒪᓗ ᐱᒻᒪᕆᐊᓗᓐᓂᒃ ᐊᖏᖃᑎᒌᒍᑎᖃᕐᓂᓄᑦ ᓲᕐᓗ ᓄᓇᒥᐅᑦ (ᕃᒃᓚᓐ) ᐊᖏᖃᑎᒌᒍᑎᖏᓐᓄᑦ.
ᑐᑭᓯᓇᕐᑎᓯᒍᑎᖃᓚᐅᔪᕗᒍᑦ ᖃᓄᖅ ᐱᓇᓱᒐᖃᕐᕕᒃ ᑎᑭᓚᐅᕐᓂᒪᖔᑦ ᖃᓄᐃᑦᑐᒥᓪᓗ ᓱᕐᕃᓂᖃᕐᓯᒪᒻᒪᖓᑦ ᖃᓄᕐᓗ ᐅᓪᓗᒥᐅᓕᕐᑐᖅ ᓄᓇᕕᐅᑉ ᐱᕙᓪᓕᐊᓂᖓᓄᑦ ᐃᓂᑖᕐᓯᒪᒻᒪᖔᑦ. ᐅᓂᒃᑲᐅᓰᑦ ᐃᓚᖏᑦ ᐃᒻᒥᓅᓕᖓᓂᕐᓭᑦ ᐅᕝᕙᓘᓐᓃᑦ ᐃᓄᒻᒧᑦ ᐃᓚᐅᓂᖃᕐᓯᒪᒻᒪᖔᑕ (ᔩᑲ ᑲᓪᓚᒃ, ᐋᓂ ᓴᑭᐊᒐᖅ) ᐊᓯᖏᑦ ᐱᑕᖃᓪᓚᕆᒋᐊᖃᕐᑎᓗᒋᑦ ᑐᑭᓯᒪᑦᓯᐊᕈᑎᐅᓂᐊᕐᓂᒥᓄᑦ ᓇᓃᓕᕐᒪᖔᑦᑕ ᓱᒧᓪᓗ ᑕᒫᓂᓕᕐᒪᖔᑦᑕ 2024-ᖑᓕᕐᑎᓗᒍ.
ᓄᓇᑐᐃᓐᓇᒦᑦᑐᓂᒃ, ᑕᑯᓂᐊᖃᑦᑕᓚᐅᔪᕗᒍᑦ ᐅᔭᕋᓐᓂᐊᓂᕐᓂᒃ ᐱᓇᓱᑦᑐᓂᒃ ᐱᓇᓱᑦᑕᖏᑦ ᓇᓃᓕᕐᓂᖏᑦ ᐊᑦᔨᒌᖕᖏᑐᓂᒃ, ᑐᑭᓯᓂᐊᕆᐊᕐᓱᑕ ᖃᓄᐃᓘᕐᑕᐅᕙᓪᓕᐊᓂᖃᓱᖑᒻᒪᖔᑕ ᑌᒣᑦᑐᓂᒃ ᐅᔭᕋᓐᓂᐊᓂᕐᓂᒃ ᐱᓇᓱᒍᑏᑦ ᐊᑕᖏᕐᑐᒥᓗ ᓄᓇᖁᑕᐅᔪᖅ ᖃᓄᑎᒋᒃ ᐱᕕᖃᕐᒪᖔᑦ. ᖃᓄᐃᑦᑐᐊᓗᐃᒪᑯᐊ ᐱᓇᓱᑦᑕᐅᔪᑦ ᐅᓪᓗᒥᐅᓕᕐᑐᖅᐱᓇᓱᑦᑕᐅᔪᓂ ᑕᒪᓐᓇ ᐊᐱᕐᓲᑎ ᑭᐅᒋᐊᕐᓱᒍ: ᖃᓄᐃᓘᓱᖑᒻᒪᖔᑕ ᐅᔭᕋᓐᓂᐊᕕᒋᓛᕐᑕᒥᓂᒃ ᐃᓐᓄᐃᒍᓰᑦ, ᐅᔭᕋᓐᓂᐊᓂᕐᒥᒃ ᐱᕙᓪᓕᐊᑎᑦᓯᒍᑏᑦ, ᐱᖁᔦᓪᓗ ᒪᓕᒐᖃᕐᑎᓯᒍᑎᐅᔪᓪᓗ ᐊᑐᕐᑕᐅᕙᑦᑐᑦ, ᓂᖏᕐᑕᐅᑏᑦ, ᓄᓇᐅᑉ ᐊᕙᑎᖓᓂᒃ ᑲᒪᒍᑏᑦ, ᐱᓇᓱᒐᖃᕐᕖᓗ ᑲᕙᒪᒃᑯᓗ ᐃᓚᐅᖃᑕᐅᓂᖏᑦ. ᑕᑯᔭᕐᑐᓚᐅᔪᒍᑦ ᑕᒪᖏᓐᓂᒃ ᓄᓇᒥᐅᓂ ᐅᔭᕋᓐᓂᐊᕕᒻᒥᓗ ᓄᓇᕕᒻᒥᓗ ᓂᑯᓪᑯᓐᓂᒃ, ᑖᒃᑯᐊ ᒫᓐᓇᐅᔪᖅ ᐅᔭᕋᓐᓂᐊᓂᕐᒥᒃ ᐃᖏᕐᕋᑎᑦᓯᕕᐅᒻᒪᓂᒃ ᓄᓇᕕᒻᒥ, ᑲᑎᖕᖓᓯᒋᐊᕐᑐᓱᑕ ᐃᓄᑐᐃᓐᓇᓂᒃ ᐱᓇᓱᑦᑎᓂᒃ ᐊᒻᒪᓗ ᑐᑭᓯᓂᐊᕆᐊᕐᕕᒋᑦᓱᒋᑦ ᓱᓇᔨᐅᒻᒪᖔᑕ ᐊᐱᕐᓱᕆᐊᕐᑐᓱᑕᓗ ᑲᒪᔨᒻᒪᕆᓐᓂᒃ ᖃᓄᑎᒋᒃ ᑐᓂᓯᒪᓂᖃᕐᒪᖔᑕ ᐱᓇᓱᑦᑎᖃᕐᓂᓄᑦ, ᓄᓇᐅᑉ ᐊᕙᑎᖓᓄᑦ ᐊᒻᒪᓗ ᓄᓇᓕᓐᓂ ᐃᓅᖃᑎᖃᕐᓂᖏᓐᓄᑦ.
ᑖᒃᑯᓇᓂ ᑕᕐᕋᓕᔮᓂ/ᐊᐅᓚᔫᓂ, ᓂᐱᖃᕐᑎᓯᑦᓯᐊᑐᒍᑦ ᐃᓄᑐᐃᓐᓇᓂᒃ ᐱᓇᓱᑦᑎᓂᒃ, ᐱᓂᐊᕐᓂᓕᕆᔨᓂᒃ, ᐃᓄᓕᒫᓂᓪᓗ ᓂᑦᔮᒍᑎᖃᕈᓐᓇᖁᑦᓱᒋᑦ ᓂᕆᐅᒍᑎᒥᓐᓂᒃ ᐃᓱᒫᓗᒍᑎᒥᓐᓂᓗ ᐃᓕᖓᔪᓂᒃ ᐱᓇᓱᒐᖃᕐᕕᐅᔪᓄᑦ ᐅᓪᓗᒥᐅᔪᖅ ᐊᒥᓱᑦ ᐃᓅᓯᖏᓐᓂᒃ ᐊᐅᓚᑦᓯᓕᕐᑐᓄᑦ ᓯᕗᓂᑦᓴᒥᓗ ᐊᖏᔪᒥᒃ ᓱᕐᕃᓂᖃᕈᒫᕐᓂᐊᓂᖏᓐᓂᒃ.
"ᐅᔭᕋᓐᓂᐊᓂᕐᓂᒃ ᐱᓇᓱᒐᖃᕐᕖᑦ ᑎᑭᐅᕐᖃᐸᓚᖓᕗᑦ ᑎᑭᖃᑦᑕᖁᖕᖏᑲᓗᐊᕈᑦᑎᒋᑦ . (..) ᑕᑯᓐᓇᑎᑐᐃᓐᓇᐅᓚᖓᕕᑖ ᑌᒣᑉᐸᑲᑦᑕ ᐊᕐᕌᒍᒐᓵᓗᓐᓂ? ᐅᕝᕙᓘ ᐃᒣᓗᓕᕆᑦᓯᔨᐅᓚᖓᕕᑕ ᓄᓇᖁᑎᑦᑕ ᖃᓄᖅ ᐊᑐᕐᑕᓂᖓᓄᑦ"
"As someone who would like to see our environment remain as clean and pure as possible, it's difficult to say no to mining development projects that actually bring financial revenues of sorts. (…) Though, the economic aspect of mining can be beneficial to the communities, there's also a long-term negative impact on Inuit way of life."
"I don't think every mining project is created equally. There are certain types of mining maybe we're going to try and stay away from. But it's an opportunity we've been given as a living in Nunavik."
"My husband worked for the prospectors looking for ore while I did the laundry for the white people. I would spend the whole day washing their clothes. In the 2 years I worked, I received just 2 dollars. "
"Before the James Bay agreement, there was really no services at that time. It's only when they [the government] started finding out what potential there was for Nunavik in terms of the minerals, the waters. So only when they saw something, that's when they started being here."
"The Nunavik territory always been considered as a underexplored area. There's a high potential of finding mineral resources. Before, there was on an annual basis about 20,000 to 25,000 claims being designated in Nunavik. And last year we counted about 50,000. So exploration activities has been doubled."
For additional information, media inquiries, or interview requests, please contact Véronique Gagnon at press@nunattaataani.com
Interested in sharing the film? You can share this page on Facebook or share the full movie on your website using the YouTube embed code by clicking here to copy the embed code.
For more information about the Nunavik Mineral Exploration Fund, visit our website here.
